پرۆفایلی کۆمپانیا
بەشێوەیەکی فەرمی لە ساڵی 2019 کۆمپانیای پاسیڤ هاوس وەک بەشێک لە کۆمەڵەی نێودەوڵەتی پاسیڤ هاوس لە هەرێمی کوردستان و عێراق دامەزراوە و دەستی بە کارەکانی کردووە لە ژێر چاودێری كۆمەڵەی نێودەوڵەتی پاسیڤ هاوس.
پاسیڤ هاوس ستاندارێکی نێودەوڵەتییە بۆ دروستکردنی خانوو و باڵەخانەکان بە جۆرێک کە بڕی بەکارهێنانی وزە لە نێو بیناکاندا لە ٪٩٠ کەمتر لەچاو خانوو و باڵەخانەی ئاسایدا. پاسیڤ هاوس لە عێراق شان بەشانی پاسیڤ هاوسی کەنەدا و ئەمریکا و ئەڵمانیا و نەمسا و وڵاتانی تر هەڵدەستێت بە دیزانینکردن و جێبەجێکردنی پڕۆژەکان بەو ستانداردە نێودەوڵەتیەی پاسیڤ هاوس کە لەجیهاندا کاری پێدەکرێت. پاش هەوڵ و ماندووبونێکی زۆر توانیمان ئەنجامێکی زۆر باش لە عێراق و هەرێمی کوردستان بەدەست بهێنین، پاش تەواوکردنی چەندین پڕۆژە، بەشێوەیەکی پراکتیکی توانیمان زاڵبین بەسەر کێشەی فێنککردنەوەو گەرمکردنەوەی بینا و تەلارەکان،نمونەی تەواوکراومان هەیە کە پلەی گەرمی دەرەوە -٢ بووە لە ژوورەوە پلەی گەرمی ٢٠ پلە بووە بە بێ بەکارهێنانی هیچ گەرمکەرەوەیەک، وە لە هاوینیشدا بەكەمتر %٩٠ كەمتر بەكارهێنانی وزە خانو و بیناکان فێنک دەکەینەوە کە چەندین نموونەی سەرکەوتوو پێشکەش کراو لە ناوچە جیاوازەکانی عێراق و هەرێمدا.
پاسیڤ هاوس تەنها بریتی نیە لە بابەتی سەرما و گەرما بەڵکو لەگەڵ پاسیڤ هاوس هەست بە ژاوەژاوی دەرەوە ناکەیت بەهۆی بوونی عەزلێکی دەنگی زۆرباش، هەروەها بوونی هەوای فرێش یەکێکە لە پێکهێنەرە سەرەکیەکانی پاسیڤ هاوس کە ئەمە زۆر گرنگە بۆ لایەنی تەندروستی و کەشی نێو ماڵ کە بەهۆی ئەو سیستەمەوە بەردەوام هەوایەکی تازەو خاوێن دەبێت لەناو بیناکەتدا وە بەهۆی بوونی چەندین فلتەری زۆر باش ئەو هەوایە دێتە ناو بیناکەت دەپاڵێورێت لە هەر تەنێکی زیان بەخش.
پاسیڤ هاوسس واتە هەست بە سەرما نەکەیت هەست بە گەرما نەکەیت، هەست بە ژاوەژاوی دەرەوە نەکەیت و هەوایەکی تازە و خاوێنت هەبێت لەناو بیناکەتدا، هەموو ئەمانە بەدەست بهێنە بە ٪٩٠ کەمتر بەکارهێنانی ووزە.